ವಿಷಯಕ್ಕೆ ಹೋಗಿ

ಶಿಕಾರಿ

ಕೃತಿ ; ಶಿಕಾರಿ

ನಾನು ಓದಿರುವ ಒಂದು ಚಂದದ ಕೃತಿ . ವಿಜ್ಞಾನದ ವಿದ್ಯಾರ್ಥಿ ಆದ ನನಗೆ ಇಷ್ಟ ಆಯ್ತು. ನನಗೆ ತೀರಾ ಗಂಭೀರ ಅನಿಸುವಂತ ಕೃತಿಗಳು ಆ ಕ್ಷಣಕೆ ರುಚಿಸದೇ  ಇದ್ದರೂ ಸಹ ಮುಗಿಸಲೇಬೇಕು ಎಂಬ ಜಿದ್ದಿನಿಂದ ಮುಗಿಸಿದೆ.

ಕಾದಂಬರಿಯ ಪಾತ್ರ ನಾಗಪ್ಪ . ಅವನ ಸ್ವಗತಗಳಲಿ ಕಟ್ಟಲ್ಪಟ್ಟಿದೆ ಕಾದಂಬರಿ.
ಶಿಕಾರಿ ಎಂದರೆ ಬೇಟೆ . ಇಲ್ಲಿ ಶಿಕಾರಿ ಮಾಡುವುದು ಯಾರು ? ಇಲ್ಲಿ ಶಿಕಾರಿಯ ಬಲಿಪಶು ಯಾರು ಎಂದು ಗ್ರಹಿಸುತ್ತಾ ಹೋದಾಗ ಕಾದಂಬರಿಯ ಒಂದೊಂದು ಓದಿಗೂ ಉತ್ತರಗಳು ಬದಲಾಗುತ್ತವೆ‌ .

ಉದ್ಯೋಗದ ಜಗತ್ತಿನಲ್ಲಿ ಮುಂದುವರಿಯಲು ಎಂತಹಾ  ಅಸ್ತ್ರಗಳನ್ನು ಸಹ ಬಳಸುತ್ತಾರಲ್ಲಾ..ಅನಿಸುತ್ತದೆ.  ಹಗರಣ ಒಂದರಲ್ಲಿ ಸಿಲುಕಿಸಬೇಕೆಂಬ ಹುನ್ನಾರಕ್ಕೆ ಪ್ರಾಮಾಣಿಕ ನಾಗಪ್ಪ ಬಲಿಪಶು.

ಇಲ್ಲಿ ನಾಗಪ್ಪನೇ ಹೇಳುವಂತೆ , ಜೀವನ ಎಂದರೆ , ಜೀವವಿಕಾಸವಾದದ ಹೇಳಿಕೆ , ಅರ್ಹರಿಗೆ ಮಾತ್ರ ಬದುಕಲು ಹಕ್ಕು ( survival of the fittest ) ನ ಜೊತೆಗೆ , ದಿನ ನಿತ್ಯವೂ ನವೆಯುತ್ತಾ ಸಾಗುತಿರುವ  struggle for existence ಕೂಡ ಅನಿಸುತ್ತದೆ.

ಮತ್ತೊಮ್ಮೆ , ಈ survival of the fittest , ಅನ್ನೋದು ನಾಗಪ್ಪನ ಹತಾಷೆಯ ನುಡಿಗಳಾ ? ಎಂಬ ಸಂದೇಹ ಬರುತ್ತದೆ. ಈ ಸಾಲು ಕಾದಂಬರಿಯ ಮುಖ್ಯ ಸೂತ್ರ ಕೂಡ

ಕಾದಂಬರಿಯ ಮೊದಲಿಗೆ ನಾಗಪ್ಪನ ಮಾನಸಿಕ ಕ್ಲೇಷ , ಅವನ ತಳಮಳದಿಂದ ರಚಿತವಾಗಿದೆ ಅವನಲ್ಲಿ escapism ಕಂಡರೂ ನಂತರದ ಅರ್ಧ , ಜೀವನಪ್ರೀತಿ , ಛಲದ ಪ್ರತೀಕದ ಹಾಗೆ ಕಾಣುತ್ತಾನೆ.

ಮನುಷ್ಯ ಮನುಷ್ಯನ‌ ನಡುವೆ ಎದ್ದಿರುವ ಗೋಡೆಯ ಕೆಳಗೆ ಮಾನವೀಯತೆ ಸತ್ತಿದೆ ಎಂಬುದನ್ನು ಗುರುತಿಸಬಹುದು.
    ಅಂತರ್ವಿಮರ್ಶೆ ಮಾಡಿಕೊಳ್ಳಬೇಕಾದ ಕೃತಿ
ಸತ್ಯದ ಹುಡುಕಾಟ ಮಾಡಿಸುತ್ತಾ ಮಾಡಿಸುತ್ತಾ ನಮ್ಮ ಜೀವನದ ಅಧ್ವಾನಗಳನ್ನು ಬಿಚ್ಚಿಡುತ್ತೆ.

ಯಾಂತ್ರಿಕ ಜೀವನಶೈಲಿ , ಉನ್ನತಿಗೆ ಹಾತೊರೆಯುವ ಮನೋಭಾವ , ನಾನು ಬದುಕಬೇಕಾದರೆ ದುರ್ಬಲ ಸಾಯಲಿ , ಎನಿಸುವಂತೆ .ನಮ್ಮ ಭಾವನೆಗಳನ್ನು  , ಸ್ಪಂದಿಸುವ ಮನೋಭಾವವನ್ನು  , ಸಂವೇದನೆಯನ್ನು ಹತ್ತಿಕ್ಕಿದೆ ಎಂಬುದನ್ನು ಕಾದಂಬರಿ ತಿಳಿಸುತ್ತದೆ.

ಆತ್ಮಹತ್ಯೆ ಯ ಹಾದಿ ಹಿಡಿಯ ಹೊರಟಿದ್ದ ನಾಗಪ್ಪ ಕೊನೆಗೆ ಕೆಲಸದ ಜೊತೆಗೆ , ತನ್ನ ಜಂಜಡಗಳಿಗೂ , ಲೌಕಿಕ ತೊಳಲಾಟಕ್ಕೂ ಮುಕ್ತಿ ನೀಡಿ ಹೊಸದರತ್ತ ಸಾಗುವಲ್ಲಿ , ಕಾದಂಬರಿ ಕೊನೆಗೊಳ್ಳುತ್ತದೆ .

ಮಾನವೀಯತೆಯ ಅಗತ್ಯ , ತೀರಾ ಸ್ವಕೇಂದ್ರೀಕೃತ ಯೋಚನೆಗಳ ಪರಿಣಾಮದ ಬಗೆಗೆ , ಮನೋವೈಜ್ಞಾನಿಕ ನೆಲೆಯಲ್ಲಿ ಚಿತ್ರಿತಗೊಂಡಿದೆ.

ಕೊನೆಯಲ್ಲಿ ಇಲ್ಲಿ  ಮಾನವೀಯ ಮೌಲ್ಯಗಳು ಶಿಕಾರಿಯ ಬಲಿಪಶುಗಳು ಎಂದೂ ಅರ್ಥೈಸಬಹುದು.

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕುವೆಂಪುರವರ ಕಲ್ಕಿ ಬಗೆಗೆ ಒಂದು ಅಭಿಪ್ರಾಯ

ಯಾರವನಲ್ಲಿ ದೂರದಲಿ... ಧಾವಿಸಿ ಬರುತಿಹ ಕ್ರೌರ್ಯದಲಿ... ಹಸಿವೆ....ದಾಹ....ರಕ್ತಾ..... ಇನ್ನೂ ಹಸಿವೆ    ಬಡವರ ಹೊಟ್ಟೆಯ ಬೆಂಕಿಯ ಹಸಿವೆ ಇನ್ನೂ ದಾಹ    ಬಡವರ ಗಂಟಲ ಬೇಗೆಯ ದಾಹ... ತುಂಬದೋ ಹೊಟ್ಟೆ ...         ಈ ಸಾಲುಗಳ...

ವಾಸ್ತವ

ಕುವೆಂಪುರವರು ಬರೆದ ಮೀನಾಕ್ಷಿ ಮನೆ ಮೇಷ್ಟ್ರು ಅನ್ನೋ ಒಂದು ಕಥೆಯಲ್ಲಿ ಮೇಷ್ಟರು ತನ್ನ ಊಹಾ ಪ್ರಪಂಚದಲ್ಲಿ ಮೀನಾಕ್ಷಿಯ ಬಗ್ಗೆ ಇಲ್ಲದ ಕಲ್ಪನೆ ಕಟ್ಟಿಕೊಂಡು ಕೊನೆಗೆ ಅದು ನೆರವೇರದಿದ್ದಾಗ ಆಕೆಯ ಗಂಡ...

ಕೆಮಿಸ್ಟ್ರಿ ಪದ್ಯ

ಮಸ್ತ್ ಪದ್ಯ ...😁😁 ಈ chemistry ಇರಬಾರದಿತ್ತು; ಇದ್ದರೂ, ನಾನಿದನ್ನ ಕಲಿಯಬಾರದಿತ್ತು; ಈ labನಲ್ಲಿ ಆ ಕಣ್ಣುಗಳೊಡನೆ ಅಪಘಾತವಾದರು ತಪ್ಪುತಿತ್ತು; ಈಗ ತಾನೆ practicalನಲ್ಲಿ ಎದುರಾದಳವಳು; testubeನ ಮುಗಿನವಳು; ಒಂದು ನಮೂನಿಯ ಪ್ರೀತಿ ಕಣ್ಣಿನಿಂದ ಚಿಮ್ಮುತಿತ್ತು ಕುಡಿಯದೆ ನನಗೆ alcohol ನೆತ್ತಿಗೇರುತಿತ್ತು; ಮಾತಿನಲಿ glucoseನ ಸಿಹಿ ಮಕರಂದ; ಉಸಿರಾಟವೊ, Ester ಬೆರೆತ ಸುಗಂಧ; benzenನಂತೆ ಅವಳ presenceನ ಸೂಕ್ಷಮತೆ; ಕತ್ತಲಲಿ ಮಿನುಗುವ rediumನ ಪ್ರಖರತೆ; ಅವಳ ಮನೆ ಬೀದಿಗಳಲ್ಲಿ ಒಡಾಟಗಳು ಶುರುವಾವಂದು; neucleus ಸುತ್ತ electron ಸುತ್ತುವಂತೆ; ಒಂದೆ semister ಅಂತರದಲ್ಲಿ ಅಮರ ಪ್ರೇಮದ production; ಮರುದಿನವೆ ನನ್ನ testನ confirmation; ಬಿಡಿಸಿ ಹೇಳಬೇಕೆ...? ಆ ದಿನ ಅವಳ ಅಪ್ಪನ ಜೊತೆ introduction; ಸುದ್ದಿ ಕೇಳಿ ಭಾವಿ ಮಾವನ ಜಿಗದಾಟವೊ; unstable reaction ವಿವರವಾಗಿ  ಹೇಳಿದಂತೆ; ignition tubeನಿಂದ sodium ಆರ್ಭಟಿಸಿದಂತೆ; ಸಿಟ್ಟಿನಲ್ಲೆ ನುಡಿದರು; "ಪಡ್ಡೆ ಹುಡುಗರ ಎಚ್ಚರಗೊಳಿರಿ ನಿಮ್ಮ ಕಿಮ್ಮತ್ತನು ಅರಿಯಿರಿ" iron ಒಡನೆ goldನ್ನು  ಎಂದು ಹುಡುಕದಿರಿ; ಆಸೆಯ beaker ಚೂರಾಯಿತೆಂದು; ಸುಮ್ಮನಿದ್ದೆ benzoldehydeನ ಕಹಿ ಗುಟುಕು ನುಂಗುತ್ತಾ  ಅಂದು; ಈಗ ಅವಳ ನೆನಪುಗಳಿಲ್ಲದೆ ಕೆಲಸಗಳು ಸಾಗುತಿಲ್ಲ; ಮತ್ತೆ, ಆ labನಲ್ಲಿ ನನ್ನ ಹೃದಯದ ಹೊರೆತು burner ಮೇಲೆ ಮತ್ತೇ...